Қазақстанда мектеп оқушыларына арналған жаңа тамақтану стандарты әзірленді

Қазақстанда мектеп оқушыларының дұрыс және сапалы тамақтануын қамтамасыз ету үшін жаңа стандарт жасалды. Бұл туралы Денсаулық сақтау министрлігінің жобасына қосымша жазбада айтылған.

Жаңа стандарттың мақсаты – білім беру және тәрбиелеу ұйымдарындағы тамақтану жүйесін жетілдіру, сонымен қатар сапалы және теңгерімді тамақтануды қамтамасыз ету. Жоба:

• білім беру ұйымдарына арналған бірыңғай тамақтану талаптарын;
• асханасы жоқ шағын жинақты мектептерде тамақтануды ұйымдастыру тәсілдерін;
• тағамнан уланудың және жұқпалы аурулардың алдын алу механизмдерін қамтиды.

Жобада буфеттерде сатылатын өнімдерге қойылатын талаптар, әртүрлі жастағы балаларға ұсынылатын тағамның мөлшері, негізгі азық-түлік топтарын тұтыну нормалары, арнайы диеталық қажеттіліктері бар балаларды тамақтандыру ерекшеліктері және мәзірді жоспарлау сияқты талаптар көрсетілген.

Сонымен қатар дайындауға және сатуға тыйым салынған өнімдер тізімі енгізілген. Олардың қатарына:

• айран, ірімшік, қаймақ;
• фарш қосылған құймақтар;
• "флотский макароны";
• кілегей қосылған кондитерлік өнімдер;
• гамбургер, хот-дог, пицца, наггетс, чипсы, тұзды крекерлер;
• кофе және кофеден жасалған сусындар;
• кептірілген және сүрленген балық сияқты өнімдер кіреді.

Жаңа стандарттың жобасы 2024 жылдың 17 желтоқсанына дейін көпшілік талқылауына ұсынылған.