Қазақстан мектептеріне жасанды интеллект пәні енгізіледі

Үкімет отырысында Цифрлық даму, инновациялар және аэроғарыш өнеркәсібі министрі Жаслан Мәдиев мектеп бағдарламасына жасанды интеллект (ЖИ) элементтерін енгізу жұмыстары басталғанын хабарлады.

Жоба екі кезеңнен тұрады. Алғашқы кезеңде 1-сыныптан бастап цифрлық сауаттылық пәнінде ЖИ-ға қатысты сабақтар оқытылады. Келесі қадам – бағдарламаны 1-ден 12-сыныпқа дейін толық енгізу.

Мамыр айында 9-12 сынып оқушылары арасында ЖИ бойынша олимпиада өткізіліп, оған 683 оқушы қатысқан. Нәтижесінде 12 үздік оқушы анықталып, олардың сегізі Пекиндегі халықаралық ЖИ олимпиадасына жолдама алды. Қазақстандық оқушылар жарыста 3 алтын, 1 күміс және 3 қола медаль жеңіп алды.