Ғылымға бөлінген 68 млрд теңгеден астам қаржы дұрыс пайдаланылмаған

Жоғары аудиторлық палата ғылымды дамытуға бөлінген қаржының қалай пайдаланылып жатқанын тексерді. Нәтижесінде бірқатар заң бұзушылық пен тиімсіз шығындар белгілі болды.

Аудит қорытындысын қараған жиынға Ғылым және жоғары білім министрі Саясат Нұрбек, министрлік өкілдері және басқа да мемлекеттік органдар қатысты.

Негізгі анықталған мәселелер:

• Ғылымға бөлінген қаржы көбейгенімен (219 млрд теңгеге дейін), зерттеу жұмыстарына жұмсалатын нақты шығын аз болып отыр.

• Ғылым саласының стратегиялық мақсаттары министрліктің даму жоспарында толық ескерілмеген.

• Ұлттық ғылыми кеңестерде мүдделер қақтығысы байқалады: бір адам бірден бірнеше жобадан қаржы алып отырған.

• Ғылыми конкурстарды жариялау ұзаққа созылады, кейде тіпті 500 күнге дейін кешіктірілген.

• Жобаларға бақылау нашар: ескертулері бар болса да, олар қаржыландыруды жалғастыра береді.

• Ғылым қорынан қаржыланған жобалардың көбі жоспарланған сатылымға жете алмаған, кейбірінде өнім мүлде шықпаған.

• ЖОО жанынан ашылған технопарктер мен орталықтарда да қаржы дұрыс пайдаланылмаған жағдайлар бар.

🔎 Аудит нәтижесі бойынша:

• 1,7 млрд теңге көлемінде қаржылық заң бұзушылықтар анықталды;

• 24,2 млрд теңге тиімсіз жоспарланған;

• 42,5 млрд теңге тиімсіз пайдаланылған.

Кейбір деректер құқық қорғау органдарына жіберіледі. Үкімет пен министрлікке кемшіліктерді жою бойынша тапсырмалар берілді.