“География бұл - жер туралы ғылым, мұндағының бәрі бір-біріне әсер етеді. Тіпті ғарыш әлеміне де.”

Әуеде сапар шегіп, олимпиадаға барамын деген ой, Амирдің қиялында болмаған. Амир Дарынов Сербияда географиядан өткен EGeO 2024 олимпидасының күміс жүлдегері. Одан бөлек еліміздің атынан барған тағы 5 оқушы да жүлделі орын алып, 100% нәтиже көрсетті. 

7 сыныбында Өскемен Білім-Инновация лицейіне қабылданып, алғашқы аптада алынған қосымша емтихан нәтижесінде географиядан алғырлығы көрінген Амирдің одан ары бұл пән бойынша қызығушылығын оятып,  жетістіктерге жетіп, халықарлық деңгейдегі олимпиада жеңімпазы болуына жігерлендірген оның алғашқы ұстазы Ғибрат Заманиянов болған. Амирдің айтуынша Ғибрат Заманиянов оған қазір сабақ бермейді, алайды оны үнемі қолдап, жігерлендіріп отыратын ең жақсы көретін ағайы. 

Амир географиядан EGeO халықаралық олимпиадасы туралы алғаш рет 8 сыныбында естіген, сөйтіп бұл сайысқа қатысамын деп өзіне мақсат қойған. Бұл үшін көп дайындық пен дағды керегін білсе де айтқанынан қайтпауға бекінген. “Дайындық кезінде кездескен ең негізгі қиындық ағылшын тілі деңгейімнің төмендігі” - дейді Амир. Дайындалуға керекті оқулықтар мен мақалалардың барлығы ағылшын тілінде болғандықтан қосымша тілді де үйреніп, әрі географияны да меңгеруге тура келгенін айтады. 

“Жалқаулықпен де күресуге тура келді”

Амирдің алдынан тек тіл білімі деңгейі ғана емес, жалқаулық та кедергі болған. Алайда жалқаулығын жеңу үшін шаршап, істі тастағысы келген кезінде, бұл сайысты жеңсе не болатыны туралы, сол кездегі бақытты сезімді сезінуі керегін, ата-анасының ғана емес, елінің мақтанышы болатыны туралы ойлап жалқаулықпен күрескен. Амир “Осы олимпиада арқылы тұрақтылық пен тәртіп” - үйрендім дейді. Онымен қоса бұл сайысқа дайындық кезінде тек бір пәнді ғана маңызды деп оқымай, барлық пәндер мен ғылымдардың бір-біріне байланысты екенін, сондықтан басқа да пәндерді оқып, меңгеру керегін түсінген. 

“География бұл - жер туралы ғылым, мұндағының бәрі бір-біріне әсер етеді. Тіпті ғарыш әлеміне де.”

Әлеуметтік желіні ақтарып отырған Амирге астраномия туралы бір қызықты бейне түседі. Ол осыдан соң аспан әлемі туралы зерттеп, қызыға бастайды. Содан бері, тек географияға ғана емес, астраномияға да назары ауған. Оның айтуынша география жер туралы, астраномия ғарыш әлемі туралы ғылым болғандықтан, бұл екі саланы қатар меңгерген дұрыс. Өйткені, ол ауқымдылықты жақсы көремін дейді. Сондықтан тек жермен шектеліп қалғысы келмейді.  

11  мемлекеттен, 100 ден астам оқушы қатысқан EGeO 2024 олимпиадасында кездескен қиындықтың бірі ол жатын орынның нашарлығы дейді. Қатысушы командалар келгенге дейін бәрі дайын болады деген ұйымдастырушылар, жатын орын мәселесін дұрыс реттемеген дейді. Алайда, қиындықты осы олимпиадаға қатысу бақытының өзі қатысушылардың көңілін түсірмеген. 

Қатысушы командалар бір-біріне сайыста бәсекелес болғанымен, аз уақыттың ішінде бәрі достасып кеткен. Тіпті, 3 шілде күні еліміздің атынан барған Амирдің командаласын басқа елдің де қатысушылары келіп, құттықтап, ізгі тілектерін білдірген. Онымен қоса “Мәдениет таныстыру” шарасы өткен. “Осы шара арқылы басқа да мемлекеттердің адамдарымен жақынырақ танысып, өзге ұлттардың мәдениетін білдік, өзіміздің де мәдениетімізбен таныстырдық”- дейді Амир. 

Амирдың бұл сайысқа қатысу оның алғаш рет ұшаққа отыруымен ерекше әсер қалдырған. Себебі, әуеде сапар шегу, ғарышты жақсы көретін бала үшін, ол жаққа бір табан жақындау. Амир болашақта геолог немесе қаржы саласының маманы болғысы келеді және Назарбаев университетінің студенті болуды армандайды. 

EGeO 2024 олимпиадасында Шымкенттік НЗМ оқушысы Арсен Сыдықов пен Қостанайлық НЗМ оқушысы Андрей Енбахтов алтын иеленсе, Шымкенттік НЗМ оқушысы Қанат Серікбай мен Өскемендік “Білім-Инновация” ллицейінің оқушысы Амир Дарынов және Талдықорғандық НЗМ оқушысы Ақжол Болат күміс,  ал Жамбылдық “Дарын” лиецей-интернатының оқушысы Сабыр Жомарт қола иеленді. 

Автор: Дулат Абдраманов