EJOI-2024 Информатика олимпиадасында ел атынан барған төрт оқушы да жүлделі болды

Молдовада өткен EJOI-2024 Информатикадан еуропалық жасөспірімдер олимпиадасы өз мәресіне жетіп, еліміздің атынан барған "Білім-Инновация" лицейінің екі оқушысы мен Назарбаев зияткерлік мектебінің бір оқушысы, Республикалық физика-матеаматика мектебінің бір оқушысы 100% нәтиже көрсетіп, төрт медаль жеңіп алды:

 Алтын медаль – Мансұр Мамадахунов, Қызылорда облыстық С. Шаухаманов атындағы «Білім-Инновация» дарынды балаларға арналған лицей-интернатының 9-сынып оқушысы.

 Алтын медаль – Жан Анри, Алматы қаласындағы «Республикалық физика-математика мектебінің» 9-сынып оқушысы.

 Күміс медаль – Исатай Исмағзи, Талдықорған қаласындағы дарынды балаларға арналған «Білім-Инновация» лицей-интернатының 9-сынып оқушысы.

 Қола медаль – Арнұр Нұрғазин, Семей қаласындағы ФМБ НЗМ-нің 8-сынып оқушысы.

 Команданы дайындаған жетекшілер: Темірлан Сатылханов, ACM бас бапкері, халықаралық және республикалық олимпиадалардың жеңімпазы, Альтаир Ашуров, Назарбаев Университетінің студенті, халықаралық олимпиадалардың жеңімпазы.

 Естеріңізге салсақ, алдыңғы жылы EJOI-2023 олимпиадасында біздің жас бағдарламашыларымыз бір алтын, екі күміс және бір қола медаль жеңіп алған болатын.