«Білім-инновация» лицейлерінің оқушылары «Жас көшбасшы» құрылтайында бас қосты

«БІЛІМ-ИННОВАЦИЯ» халықаралық қоғамдық қорының қарамағындағы мектеп-лицейлердің мектеп президенттері мен өзін-өзі басқару ұйымдарының жетекшілері екі күнге созылған «Жас көшбасшы» құрылтайына жиналды.

Құрылтай аясында қатысушыларға көшбасшылық мәдениетін қалыптастыру, этика мен шешендік өнерді дамыту, ұрпақтар теориясын түсіну және жүйелі ойлау дағдыларын жетілдіру бойынша дәрістер мен тәжірибелік сабақтар өткізілді.

🔹 Шара барысында оқушылар пікір алмасып, ортақ құндылықтарға негізделген тәжірибелерімен бөлісті.
🔹 Әр қатысушы алған білім мен тәжірибесін мектеп өміріне енгізу арқылы «адал азамат, парасатты тұлға» болуға бағытталған нақты қадам жасады.

Ұйымдастырушылардың айтуынша, бұл бастама – БИЛ лицейлерінің басты миссиясымен үндес, яғни білім мен тәрбиені ұштастыра отырып, қоғамға жауапты әрі жаңашыл буын қалыптастыруға бағытталған маңызды жоба.