$ 498.65 € 589.06 ₽ 6.49

Астанада журналистика студенттеріне арналған шеберлік сағаттары өтті

Редакция
21 қазан 2024, 08:19
Астанада журналистика студенттеріне арналған шеберлік сағаттары өтті Сурет авторы: Бас редакторлар клубы

18-19 қазан күні Астана қаласында Бас редакторлар клубының ұйымдастыруымен «Заманауи медиа құпиясы» шеберлік сабақтары өтті.   

Екі күнге созылған шеберлік сабақтары Телевизиялық журналистиканың шеберлік негіздері, цифрлық медиада қолданылатын тиімді дағдылар, БАҚ үшін бәсекеге қабілетті контент жасау мен PR негіздері тақырыптарын кеңінен қамтыды.  

Семинар-тренингке Л.Гумилев атындағы Еуразия Ұлттық университеті Журналистика факультетінің студенттері қатысып, өз дағдыларын шыңдады. Еліміздің танымал медиа мамандары өз кәсіби және өмірлік тәжірибесін бөлісті: 

  • Мөлдір Доспаева, «Хабар» телеарнасының редакторы, тележүргізуші, #МөлдірСөйле блогының авторы, «Тіл жанашыры»; 

  • Айгүл Адилова, Журналист, сценарист, медиа менеджер, «Хабар», «Хабар24» арналарының экс-директоры; 

  • Яков Фёдоров, Тревел-блогер, экоактивист және азаматтық журналист, «Сөйле» клубының негізін қалаушы; 

  • Ұлан Әбішев, Блогер, медиа-менеджер, коммуникация сарапшысы. 

Бас редакторлар клубының дәстүрлі түрде ұйымдастырған шеберлік сабағы аясында білім алған студенттерге сертификаттар табыс етілді.  

Бас редакторлар Клубының негізгі мақсаты – медиада шығармашылық атмосферасын нығайту, бұқаралық ақпарат құралдары арасында тиімді бәсекелестікті нығайту, қоғамда ұлтаралық келісім мен тұрақтылықты нығайту.  

Соңғы жаңалықтар