Алматы мен Жетісу облыстарында жер сілкінісінен кейін жедел желі іске қосылды

4 маусым күні кешке Алматы қаласының тұрғындары жер асты дүмпулерін сезді. ҚР Төтенше жағдайлар министрлігінің хабарлауынша, жер сілкінісінің эпицентрі Қазақстан аумағында, Алматы қаласынан солтүстік-шығысқа қарай 316 шақырым жерде орналасқан.

Осы оқиғаға байланысты азаматтарға ақпараттық және психологиялық көмек көрсету үшін Алматы және Жетісу облыстарында арнайы қауырт желілер ашылды. Тұрғындар мына телефон нөмірлері арқылы хабарласып, қажетті кеңес ала алады:

 Алматы облысы: 8 (72772) 2-60-97

 Жетісу облысы: 8 (7282) 32-44-36

Министрлік таратқан мәліметке сәйкес, ТЖМ жедел қызметтері бұл жағдай туралы жергілікті әкімдіктерді, полицияны және басқа да тиісті мекемелерді дереу құлағдар етті. Қазіргі уақытта барлық бейінді қызметтер күшейтілген режимде жұмыс істеп жатыр.

«Құрметті азаматтар, байбаламға салынбай, сабырлық сақтауды және тек ресми ақпарат көздеріне ғана сенуді сұраймыз», - делінген ТЖМ ресми хабарламасында.