«Қазгидромет» ескертеді: Қазақстанның алты қаласында қолайсыз метеорологиялық жағдайлар қалыптасады

13 тамызда республиканың алты ірі қаласында ауа сапасының нашарлауына әкелетін қолайсыз метеорологиялық жағдайлар (НМУ) күтіледі. Бұл туралы «Қазгидромет» РМК баспасөз қызметі хабарлады.

Синоптиктердің мәліметінше, қауіпті аймақтардың тізіміне мына елді мекендер енді:

• Астана

• Алматы

• Жезқазған

• Қарағанды

• Теміртау

• Өскемен

Қолайсыз метеожағдайлар –  әлсіз жел, тұман және инверсия сияқты қысқа мерзімді метеорологиялық факторлардың жиынтығы. Аталған табиғи құбылыстар зиянды (ластаушы) заттардың атмосфераның приземдік қабатында жиналуына қолайлы жағдай жасайды. Бұл өз кезегінде елді мекендердегі ауа сапасының нашарлауына және тұрғындардың денсаулығына әсер етуі мүмкін.

Атмосфералық ластану деңгейін анықтауда жел бағыты, жауын-шашын, ылғалдылық пен ауа температурасы сияқты синоптикалық жағдайлардың болжамы маңызды рөл атқарады.

Сонымен қатар, «Қазгидромет» бұған дейін 13 тамызда Қазақстанның көптеген өңірінде шотрмалық ескерту жарияланғанын хабарлаған болатын. Елдің бірқатар облыстарында найзағай, бұршақ, дауыл, сондай-ақ күшті жел мен +42°С-қа дейін аптап ыстық күтіледі. Сонымен қатар республика аумағында жоғары және төтенше өрт қаупі сақталуда.