Қазақстанның 10 қаласында ауа қатты ластанады: тұрғындарға далада ұзақ жүрмеу ескертілді

18 наурызда Қазақстанның он қаласында ауа сапасы нашарлауы мүмкін деп хабарланды. Бұл туралы Қазгидромет мәлімет берді.

Ауа сапасының төмендеуі мүмкін қалалар: Костанай, Павлодар, Қарағанды, Жезқазған, Балқаш, Теміртау, Орал, Актөбе, Алматы және Астана.

Синоптиктердің айтуынша, бұл жағдай штиль, әлсіз жел, тұман және температуралық инверсия сияқты факторлардың әсерінен пайда болады. Осы кезде атмосфераның төменгі қабатында зиянды заттар жиналып, ауа сапасы күрт нашарлауы мүмкін.

Халыққа сыртта ұзақ уақыт болмауға, әсіресе автожолдар мен басқа ластаушы көздерге жақындамауға кеңес беріледі. Балалар мен жүкті әйелдерге далада ұзақ серуендеуден бас тарту, ал созылмалы аурулары бар адамдарға қажетті дәрілерін бірге алып жүру ұсынылады. Сондай-ақ, физикалық жүктемені азайтып, спортпен үйде немесе жабық ғимаратта айналысу тиімді.