Қазақстанда өрт қаупі күшейді: «Қазгидромет» еліміздің өңірлеріне ескерту жасады

21 шілде күні «Қазгидромет» РМК мамандары ауа райының күрт ысуына байланысты бүкіл республика аумағында жоғары және төтенше өрт қаупі жарияланғанын хабарлады. Синоптиктердің мәліметінше, елдің бірқатар аймақтарында табиғи өрттің шығу қаупі аса жоғары деңгейге жетті.

Жоғары өрт қаупі сақталатын аймақтар:

 Алматы, Қарағанды, Атырау, Ұлытау, Абай және Шығыс Қазақстан облыстары;

 Маңғыстау облысының солтүстігі мен орталығы;

 Солтүстік Қазақстан облысының оңтүстігі;

 Батыс Қазақстан облысының оңтүстік-батысы;

 Ақтөбе облысының батысы мен шығысы;

 Қостанай облысының батысы, шығысы мен орталығы;

 Ақмола облысының батысы, солтүстігі мен оңтүстігі;

 Павлодар облысының оңтүстігі мен шығысы.

Өрт шығудың сыни қаупі төнген аймақтар:

 Қызылорда, Түркістан, Жамбыл және Жетісу облыстары;

 Ұлытау облысының оңтүстігі мен шығысы;

 Абай облысының солтүстігі мен оңтүстігі;

 Қарағанды облысының батысы, солтүстігі мен шығысы;

 Алматы облысының солтүстігі мен орталығы;

 Павлодар облысының оңтүстік-шығысы;

 Шығыс Қазақстан облысының солтүстік-батысы, оңтүстік-шығысы мен орталығы;

 Қостанай, Батыс Қазақстан және Ақтөбе облыстарының жекелеген аудандары;

 Атырау және Маңғыстау облыстарының кейбір аумақтары.

Экология министрлігінің дерегінше, тек бір күннің өзінде еліміздің орман алқаптарында 55 өрт ошағы тіркелген. Ведомство өкілдері бұл төтенше жағдайлардың барлығы ауа райының қолайсыздығынан – найзағайдың жарқылынан туындағанын мәлімдеді.

Төтенше жағдайлар қызметі мен салалық ведомстволар тұрғындарды өрт қауіпсіздігі ережелерін қатаң сақтауға және табиғат аясында абай болуға шақырады.