$ 509.63 € 592.34 ₽ 6.54

Қолайсыз ауа райына байланысты ҚТЖ кей бағытта қосымша орындар қосты

Редакция
17 желтоқсан 2025, 11:54
Қолайсыз ауа райына байланысты ҚТЖ кей бағытта қосымша орындар қосты Сурет авторы: politico.kz
Ұлттық тасымалдаушы ауа райының қолайсыздығына байланысты және бірқатар автожолдардың уақытша жабылуына орай жолаушыларды тасымалдау үшін қосымша орындар ұйымдастырып жатыр. Бұл туралы «ҚТЖ» ҰК» АҚ баспасөз қызметі хабарлады.
 
«Қолайсыз ауа райы жағдайлары мен кейбір автомобиль жолдарының уақытша жабылуына байланысты қосымша көлік қызметі ұйымдастырылды. Павлодар, Екібастұз, Ерейментау, Шідерті, Көкшетау, Бурабай курорты бағыттарынан Астанаға қатынайтын пойыздарда жолаушылар үшін қосымша орындар қарастырылды», – делінген хабарламада.
 
16 желтоқсанда жолаушыларды отырғызу келесі пойыздарда жүзеге асырылады:
• №7502 Астана – Павлодар (Ерейментау станциясынан отырғызу);
• №139 Павлодар – Пресногорьковская (Ерейментау станциясынан отырғызу);
• №6830 Көкшетау – Астана (Көкшетау және Бурабай курорты станцияларынан отырғызу);
• №7508 Көкшетау – Астана Нұрлы Жол (Көкшетау және Бурабай курорты станцияларынан отырғызу);
• №045Ц Павлодар – Түркістан (Екібастұз және Шідерті станцияларынан отырғызу).
 
Ұлттық тасымалдаушы қолайсыз ауа райы кезінде жолаушылар тасымалын ерекше бақылауда ұстап отырғанын атап өтті.
 
«Барша азаматтарды қауіпсіздік шараларын сақтауға және алыс сапарларға шығудан уақытша бас тартуға шақырамыз», – деп ескертті компания өкілдері.
#Қазақстан #ҚТЖ #Пойыз саяхаты #Қосымша орындар #Қолайсыз ауа райы #Теміржол қауіпсіздігі #Жолаушылар тасымалы

Соңғы жаңалықтар