$ 447.14 € 500.35 ₽ 5.24

Қар, жаңбыр және көктайғақ: 7 қазанда күн райы қандай болады

Абдрахманов Мағжан
07 қазан 2026, 06:45
Қар, жаңбыр және көктайғақ: 7 қазанда күн райы қандай болады Сурет авторы: istockphoto

7 қазанда Қазақстанның басым бөлігінде күн құбылмалы болады. «Қазгидромет» мәліметінше, бұған циклон мен атмосфералық ағындар әсер етеді. Елдің батысы, солтүстік-батысы мен орталығында жаңбыр жауады, ал солтүстік пен шығыста және оңтүстік-шығыстың таулы аймақтарында жаңбыр қарға ұласуы мүмкін. 

Астанада жауын-шашын болмайды. Түнде -1…-3, күндіз +10…+12 градус. Желдің жылдамдығы секундына 9–14 метрге жетеді. 

Алматыда да жауын-шашын күтілмейді. Түнде +6…+8, күндіз +15…+17 градус. 

Шымкентте күн ашық, жауын-шашынсыз. Түнде +5…+7, күндіз +18…+20 градус болады. 

Солтүстікте жаңбыр мен қар жауып, жаяу бұрқасын соғады. Шығыс өңірлерде де жаңбыр мен қар болжанған. Солтүстік, шығыс және орталықта көктайғақ болуы мүмкін. Батыс, солтүстік-батыс пен орталықта жаңбыр жауады. Оңтүстік пен оңтүстік-шығыстың жазық жерлерінде күн салыстырмалы түрде жылы болғанымен, таулы аудандарда жауын-шашын күтіледі. Ел аумағында жел күшейеді.

#Күн райы #Ауа райы болжамы # #

Соңғы жаңалықтар