Еліміздің басым бөлігінде жаңбыр жауады: 2 қазанда күн райы қандай болады

2 қазанда Қазақстанның басым бөлігінде циклон мен атмосфералық ағындардың әсерінен жаңбыр жауады. Оңтүстік-шығыста нөсер жауын күтіледі, күндіз найзағай ойнауы мүмкін. Таулы аудандарда түнде жаңбыр мен қар аралас жауын-шашын түседі. Елдің бірқатар өңірінде жел күшейіп, түнде және таңертең тұман түседі. 

Астана: күн бұлтты, кей уақытта жаңбыр жауады. Күндіз +18…+20°C, жел 9–14 м/с. 

Алматы: түнде және таңертең жаңбыр. Күндіз +20…+22°C, желдің екпіні кей уақытта 15 м/с-қа жетеді. 

Шымкент: түнде жаңбыр жауып, найзағай ойнайды, күндіз жауын-шашын болмайды. Ауа температурасы +22…+24°C. 

Солтүстікте жаңбыр жауып, кей жерлерде найзағай ойнайды және тұман түседі. Мәселен, Қостанай облысында күндіз +11…+16°C, оңтүстігінде +20°C-қа дейін жетеді. 

Оңтүстікте түнде кей жерлерде жаңбыр мен найзағай сақталады, күндіз ауа райы біртіндеп ашылады. Түркістан облысында күндіз +21…+26°C шамасында. 

Орталықта жаңбыр жауып, жел күшейеді. Қарағанды облысында күндіз +15…+20°C, оңтүстігінде +23°C-қа дейін. Желдің екпіні кей жерде 25 м/с-қа жетуі мүмкін. 

Шығыста жаңбыр жауады, түнде кей жерде тұман түседі. Шығыс Қазақстан облысында күндіз +15…+20°C, таулы аудандарда шамамен +12°C. 

Батыста ауа салқындайды. Атырау облысында күндіз +14…+19°C, оңтүстігі мен шығысында аздаған жаңбыр күтіледі.